ಭಾರತದ ಸಂವಿಧಾನದ ಪ್ರಸ್ತಾವನೆ: ಪ್ರಮುಖ ಅಂಶಗಳು ಮತ್ತು ಹಿಂದಿನ ವರ್ಷದ ಪ್ರಶ್ನೋತ್ತರಗಳು (PYQ)

 

ಭಾರತ ಸಂವಿಧಾನದ ಪ್ರಸ್ತಾವನೆ ಸಂವಿಧಾನದ ಆಶಯಗಳು, ತತ್ವಗಳು ಮತ್ತು ಗುರಿಗಳನ್ನು ಒಳಗೊಂಡಿರುವ ಅತ್ಯಂತ ಪ್ರಮುಖ ಭಾಗವಾಗಿದೆ. ಇದನ್ನು ಸಂವಿಧಾನದ 'ಕೈಗನ್ನಡಿ' ಅಥವಾ 'ಆತ್ಮ' ಎಂದು ಕರೆಯಲಾಗುತ್ತದೆ.

ಸಂವಿಧಾನದ ಆಶಯಗಳು

ಪ್ರಸ್ತಾವನೆಯು ಭಾರತದ ಜನತೆಯ ಪರವಾಗಿ ಸಂವಿಧಾನವನ್ನು ಅರ್ಪಿಸಿಕೊಳ್ಳುವ ಘೋಷಣೆಯೊಂದಿಗೆ ಪ್ರಾರಂಭವಾಗುತ್ತದೆ ("ಭಾರತದ ಪ್ರಜೆಗಳಾದ ನಾವು...").

 ಇದರ ಪ್ರಮುಖ ಉದ್ದೇಶಗಳು:

ನ್ಯಾಯ: ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ನ್ಯಾಯ.

ಸ್ವಾತಂತ್ರ್ಯ: ವಿಚಾರ, ಅಭಿವ್ಯಕ್ತಿ, ನಂಬಿಕೆ, ಧರ್ಮ ಮತ್ತು ಉಪಾಸನೆಯ ಸ್ವಾತಂತ್ರ್ಯ.

ಸಮಾನತೆ: ಸ್ಥಾನಮಾನ ಮತ್ತು ಅವಕಾಶಗಳಲ್ಲಿ ಸಮಾನತೆ.

ಭ್ರಾತೃತ್ವ: ವ್ಯಕ್ತಿ ಗೌರವ ಮತ್ತು ರಾಷ್ಟ್ರದ ಏಕತೆ-ಸಮಗ್ರತೆಯನ್ನು ಕಾಪಾಡುವ ಸಹೋದರತ್ವ.

ಪ್ರಸ್ತಾವನೆಯಲ್ಲಿರುವ ಪ್ರಮುಖ ಪದಗಳ ಅರ್ಥ

1. ಸಾರ್ವಭೌಮ

ಭಾರತವು ಸಂಪೂರ್ಣ ಸ್ವತಂತ್ರ ದೇಶ. ಆಂತರಿಕವಾಗಿ ಮತ್ತು ಬಾಹ್ಯವಾಗಿ ಯಾವುದೇ ವಿದೇಶಿ ಶಕ್ತಿಯ ಹಸ್ತಕ್ಷೇಪವಿಲ್ಲದೆ ತನ್ನದೇ ಆದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಅಧಿಕಾರ ಹೊಂದಿದೆ.

2. ಸಮಾಜವಾದಿ

ಈ ಪದವನ್ನು 1976ರ 42ನೇ ತಿದ್ದುಪಡಿಯ ಮೂಲಕ ಸೇರಿಸಲಾಯಿತು. ದೇಶದ ಸಂಪತ್ತು ಕೇವಲ ಕೆಲವರ ಪಾಲಾಗದೆ, ಎಲ್ಲರಿಗೂ ಸಮಾನವಾಗಿ ಹಂಚಿಕೆಯಾಗಬೇಕು ಮತ್ತು ಬಡತನ, ಅಸಮಾನತೆಯನ್ನು ಹೋಗಲಾಡಿಸುವುದು ಇದರ ಉದ್ದೇಶ.

3. ಜಾತ್ಯತೀತ

ಇದು ಕೂಡ 42ನೇ ತಿದ್ದುಪಡಿಯ ಮೂಲಕ ಸೇರ್ಪಡೆಯಾಯಿತು. ಇದರರ್ಥ ದೇಶಕ್ಕೆ ಯಾವುದೇ ಅಧಿಕೃತ ಧರ್ಮವಿಲ್ಲ. ಸರ್ಕಾರವು ಎಲ್ಲಾ ಧರ್ಮಗಳನ್ನು ಸಮಾನವಾಗಿ ಗೌರವಿಸುತ್ತದೆ ಮತ್ತು ಪ್ರಜೆಗಳಿಗೆ ತಮಗೆ ಇಷ್ಟ ಬಂದ ಧರ್ಮವನ್ನು ಪಾಲಿಸುವ ಹಕ್ಕಿದೆ.

4. ಪ್ರಜಾಸತ್ತಾತ್ಮಕ

ಅಧಿಕಾರವು ಜನರ ಕೈಯಲ್ಲಿದೆ. ಅಂದರೆ, ಜನರು ತಮ್ಮ ಪ್ರತಿನಿಧಿಗಳನ್ನು ಚುನಾವಣೆಗಳ ಮೂಲಕ ಆರಿಸಿಕೊಳ್ಳುತ್ತಾರೆ. "ಜನರಿಂದ, ಜನರಿಗಾಗಿ, ಜನರಿಗೋಸ್ಕರ" ಇರುವ ಸರ್ಕಾರ.

5. ಗಣರಾಜ್ಯ

ಭಾರತದ ರಾಷ್ಟ್ರಪತಿಗಳು (ದೇಶದ ಮುಖ್ಯಸ್ಥರು) ವಂಶಪಾರಂಪರ್ಯವಾಗಿ ಆಯ್ಕೆಯಾಗುವುದಿಲ್ಲ. ಬದಲಾಗಿ, ನಿಗದಿತ ಅವಧಿಗೆ ಪರೋಕ್ಷ ಚುನಾವಣೆಯ ಮೂಲಕ ಆಯ್ಕೆಯಾಗುತ್ತಾರೆ.

ನೆನಪಿಡಿ:

1976ರ 42ನೇ ತಿದ್ದುಪಡಿಯ ಮೂಲಕ 'ಸಮಾಜವಾದಿ', 'ಜಾತ್ಯತೀತ' ಮತ್ತು 'ಸಮಗ್ರತೆ' ಎಂಬ ಮೂರು ಪದಗಳನ್ನು ಪ್ರಸ್ತಾವನೆಗೆ ಸೇರಿಸಲಾಯಿತು.

ಪ್ರಸ್ತಾವನೆಯನ್ನು ಜವಾಹರಲಾಲ್ ನೆಹರೂ ಅವರು ಮಂಡಿಸಿದ 'ಧ್ಯೇಯೋದ್ದೇಶಗಳ ನಿರ್ಣಯ' ಆಧಾರದ ಮೇಲೆ ರಚಿಸಲಾಗಿದೆ.

ಭಾರತದ ಸಂವಿಧಾನದ ಪ್ರಸ್ತಾವನೆ: ಹಿಂದಿನ ವರ್ಷದ ಪ್ರಶ್ನೋತ್ತರಗಳು

ಸಂವಿಧಾನದ 'ಪೀಠಿಕೆ'ಯನ್ನು ಸಂವಿಧಾನದ 'ಆತ್ಮ' ಎಂದು ಕರೆದವರು ಯಾರು? (PSI - 2017)

ಉತ್ತರ: ಠಾಕೂರ್ ದಾಸ್ ಭಾರ್ಗವ

ಭಾರತದ ಸಂವಿಧಾನದ ಪ್ರಸ್ತಾವನೆಯನ್ನು ಇದುವರೆಗೆ ಎಷ್ಟು ಬಾರಿ ತಿದ್ದುಪಡಿ ಮಾಡಲಾಗಿದೆ? (FDA - 2019)

ಉತ್ತರ: ಒಂದು ಬಾರಿ

'ಸಮಾಜವಾದಿ' ಮತ್ತು 'ಜಾತ್ಯತೀತ' ಪದಗಳನ್ನು ಯಾವ ಸಂವಿಧಾನದ ತಿದ್ದುಪಡಿಯ ಮೂಲಕ ಸೇರಿಸಲಾಯಿತು? (SDA - 2015)

ಉತ್ತರ: 42ನೇ ತಿದ್ದುಪಡಿ

ಸಂವಿಧಾನದ ಪೀಠಿಕೆಯನ್ನು "ಸಂವಿಧಾನದ ಗುರುತಿನ ಚೀಟಿ" ಎಂದು ಕರೆದವರು ಯಾರು? (KAS - 2021)

ಉತ್ತರ: ಎನ್.ಎ. ಪಾಲ್ಖಿವಾಲ

ಭಾರತದ ಸಂವಿಧಾನದ ಪೀಠಿಕೆಯು ಯಾವ ವಾಕ್ಯದೊಂದಿಗೆ ಪ್ರಾರಂಭವಾಗುತ್ತದೆ? (PC - 2018)

ಉತ್ತರ: ಭಾರತದ ಪ್ರಜೆಗಳಾದ ನಾವು

ಪ್ರಸ್ತಾವನೆಯಲ್ಲಿರುವ 'ನ್ಯಾಯ' ಎಂಬ ಕಲ್ಪನೆಯನ್ನು ಯಾವ ದೇಶದ ಕ್ರಾಂತಿಯಿಂದ ಪಡೆಯಲಾಗಿದೆ? (SDA - 2016)

ಉತ್ತರ: ರಷ್ಯಾ ಕ್ರಾಂತಿ

ಸಂವಿಧಾನದ ಪ್ರಸ್ತಾವನೆಯು ಯಾವ ದಿನಾಂಕದಂದು ಅಂಗೀಕರಿಸಲ್ಪಟ್ಟಿತು ಎಂದು ಉಲ್ಲೇಖಿಸುತ್ತದೆ? (FDA - 2020)

ಉತ್ತರ: ನವೆಂಬರ್ 26, 1949

1976ರ 42ನೇ ತಿದ್ದುಪಡಿಯ ಮೂಲಕ ಪ್ರಸ್ತಾವನೆಗೆ ಸೇರಿದ ಮೂರು ಪದಗಳು ಯಾವುವು? (KPSC Group C - 2022)

ಉತ್ತರ: ಸಮಾಜವಾದಿ, ಜಾತ್ಯತೀತ ಮತ್ತು ಸಮಗ್ರತೆ

ಸಂವಿಧಾನದ ಪೀಠಿಕೆಯನ್ನು "ರಾಜಕೀಯ ಜನ್ಮಕುಂಡಲಿ" ಎಂದು ಕರೆದವರು ಯಾರು? (PSI - 2014)

ಉತ್ತರ: ಕೆ.ಎಂ. ಮುನ್ಷಿ

'ಗಣರಾಜ್ಯ' ಎಂದರೆ ಏನರ್ಥ? (SDA - 2017)

ಉತ್ತರ: ರಾಷ್ಟ್ರದ ಮುಖ್ಯಸ್ಥರು ಚುನಾಯಿತರಾಗಿರುತ್ತಾರೆ.

ಪ್ರಸ್ತಾವನೆಯಲ್ಲಿ 'ಸ್ವಾತಂತ್ರ್ಯ, ಸಮಾನತೆ ಮತ್ತು ಭ್ರಾತೃತ್ವ' ಎಂಬ ಆದರ್ಶಗಳನ್ನು ಯಾವ ದೇಶದಿಂದ ಪಡೆಯಲಾಗಿದೆ? (FDA - 2019)

ಉತ್ತರ: ಫ್ರಾನ್ಸ್

ಧ್ಯೇಯೋದ್ದೇಶಗಳ ನಿರ್ಣಯವನ್ನು (Objectives Resolution) ಮಂಡಿಸಿದವರು ಯಾರು? (KSRTC - 2015)

ಉತ್ತರ: ಜವಾಹರಲಾಲ್ ನೆಹರೂ

'ಜಾತ್ಯತೀತ' ಎಂಬ ಪದದ ಅರ್ಥವೇನು? (PC - 2020)

ಉತ್ತರ: ಸರ್ಕಾರವು ಎಲ್ಲಾ ಧರ್ಮಗಳನ್ನು ಸಮಾನವಾಗಿ ಗೌರವಿಸುತ್ತದೆ

ಯಾವ ಪ್ರಕರಣದಲ್ಲಿ ಸುಪ್ರೀಂ ಕೋರ್ಟ್ "ಪ್ರಸ್ತಾವನೆಯು ಸಂವಿಧಾನದ ಅವಿಭಾಜ್ಯ ಅಂಗ" ಎಂದು ತೀರ್ಪು ನೀಡಿತು? (KAS - 2021)

ಉತ್ತರ: ಕೇಶವಾನಂದ ಭಾರತಿ ಪ್ರಕರಣ

ಭಾರತದ ಸಂವಿಧಾನದ ಆಶಯಗಳು ಮತ್ತು ಗುರಿಗಳನ್ನು ಎಲ್ಲಿ ಕಾಣಬಹುದು? (FDA - 2018)

ಉತ್ತರ: ಪ್ರಸ್ತಾವನೆಯಲ್ಲಿ

ಪ್ರಸ್ತಾವನೆಯಲ್ಲಿರುವ 'ಸಾರ್ವಭೌಮ' ಎನ್ನುವ ಪದದ ಅರ್ಥವೇನು? (PDO - 2022)

ಉತ್ತರ: ಬಾಹ್ಯ ಮತ್ತು ಆಂತರಿಕ ನಿಯಂತ್ರಣದಿಂದ ಮುಕ್ತವಾದ ದೇಶ

ಸಂವಿಧಾನದ ಪ್ರಸ್ತಾವನೆಯು ಯಾವ ದೇಶದ ಸಂವಿಧಾನದಿಂದ ಪ್ರೇರಿತವಾಗಿದೆ? (PSI - 2016)

ಉತ್ತರ: ಅಮೇರಿಕಾ (USA)

42ನೇ ತಿದ್ದುಪಡಿಯು ಯಾವ ವರ್ಷದಲ್ಲಿ ನಡೆಯಿತು? (SDA - 2019)

ಉತ್ತರ: 1976

ಪ್ರಸ್ತಾವನೆಯಲ್ಲಿ ಎಷ್ಟು ರೀತಿಯ ನ್ಯಾಯಗಳನ್ನು ಉಲ್ಲೇಖಿಸಲಾಗಿದೆ? (KPSC Group C - 2017)

ಉತ್ತರ: ಮೂರು (ಸಾಮಾಜಿಕ, ಆರ್ಥಿಕ, ರಾಜಕೀಯ)

ಸಂವಿಧಾನದ ಪ್ರಸ್ತಾವನೆಯಲ್ಲಿ 'ಸಮಗ್ರತೆ' (Integrity) ಎಂಬ ಪದವನ್ನು ಯಾವಾಗ ಸೇರಿಸಲಾಯಿತು? (KPSC Group C - 2023)

ಉತ್ತರ: 1976 (42ನೇ ತಿದ್ದುಪಡಿ)